Owls

Eikaza Cho: Owls

Acrylic On Canvas, size-24″×30″

Year Created-2019

ဧကစာချိုဟာ မန္တလေး လူထုတိုက်မှာ ဆရာပေါ်ဦးသက် ဆရာဝင်းဖေ တို့နဲ့ သတင်းစာ သရုပ်ဖော် ပန်းချီလောကကို အတူတူဖြတ်သန်းဖူးပါတယ်။ အတွေးအခေါ် အယူအဆလက်ရာများမှာ အင်မတန် ရှေ့ရောက်ပြီး သီးခြားဟန် ကွဲထွက်နေပါတယ်။ ဖွဲ့စည်းပုံနှင့် မညီမညာ မျဥ်းကြောင်းတွေရဲ့ expression ဆန်ဆန် ကိုယ်မသိတဲ့ အခြားကမ္ဘာတစ်ခုကို အမြဲတမ်းခေါ်ဆောင်သွားပါတယ်။ သူကို မြန်မာပြည်ရဲ့ ပေါကလီး လို့ ခေါ်ကြတယ်။ ကန်ဒင်စကီး နဲ့ ပေါကလီးတို့ရဲ့ လွှမ်းမိုးမှုကို တွေ့ရပေမဲ့ ကိုချိုရဲ့စိတ်ကူးတွေက ကျယ်ပြန့်လွန်းလို့ တစ်ခါတစ်ခါ ခြေရာခံလို့မရပါဘူး။ သူဟာ နမည်ကျော် ကာတွန်းဆရာလည်းဖြစ်ပါတယ်။ ဒြပ်မဲ့ ပန်းချီတွေကို ရေးသလို သမိုင်းဇာတ်ကွက်တွေကိုလည်း ရေးတက်ပါတယ်။ သူရဲ့ ငှက် စီးရီး မိန်းမစီးရီး တို့ဟာ ကျွန်တော်တို့ကို ကမ္ဘာသစ်တစ်ခုဆီသို့ ခေါ်ဆောင်သွားပါတယ်။မြန်မာတို့ရဲ့ အချစ်တော် လာဘ်ကောင်းလေးဖြစ်တဲ့ ဇီးကွက်တွေ မကြာခနရေးဆွဲတတ်ပါတယ်။ ကိုချိုရဲ့ ဇီးကွက်ကားနှစ်ကားကို ဆက်တိုက်တင်ပေးလိုက်ပါတယ်။သူရဲ့ဇီးကွက်တစ်ကောင်းချင်းစီဟာ ဒိုင်မစ်ရှင်းတစ်ခုစီ ရေးဆွဲပြထားလို့ အံ့ဩ ရပါတယ်။ အကြောင်းအရာတစ်ခုထဲကိုပဲ ဒိုင်မစ်ရှင်းအမျိုးမျိုးနဲ့ ရေးဆွဲပြတာဟာ တစ်ချိန်ကြရင် မြန်မာ့ ပန်းချီသမိုင်းမှာ အလေးအနက် ဆွေးနွေးရတဲ့ ကိစ္စတစ်ခု ဖြစ်လာပါလိမ့်မယ်။ မြန်မာပြည်ရဲ့အကြိုက်ဆုံး ပန်းချီဆရာတစ်ယောက်ဖြစ်ပါတယ်။

မြန်မာပန်းချီမှတ်စုများ (၂၄)

Leave a Reply