မြန်မာပန်းချီ မှတ်စုများ(၂၅)
Art minute in Pansodan
Aung Soe Min
Artist- Dawei Tu Tu
Medium- Acrylic On Canvas
Size- 30″36″
Title- Three Little monks
Year Created- 2016
အနုစိတ်လက်ရာတွေ ပြောင်မြောက်အောင်ဆွဲတဲ့ ထားဝယ်တူးတူးရဲ့ လက်ရာပါ။ ထားဝယ်တူးတူးရဲ့ လက်ရာတွေ မကြည့်ရတာတောင်ကြာပါပြီ။ သူလက်ရာတွေက ဘန်ကောက်မှာစုဆောင်းတဲ့သူတွေ ပိုပြီးများပါတယ်။ သရုပ်မှန်ပန်းချီကို ကျွမ်းကျင်သူ ပီပီ ခေတ်ပြိုင်ဟန်နဲ့ရေးတဲ့အခါမှာလည်း သရုပ်မှန်အချိုးအစားတွေ တွေ့ရပါတယ်။ ဒီပန်းချီကားမှာတော့ အနီရောင် လွှမ်မိုးနေပြီး (Texture) ကို အထူးဖန်တီးထားပါတယ်။ ကိုရင်လေး သုံးပါးဟာ ဟာမိုနီ တစ်ခုလို ညီညာနေပြီး ပဲ့တင်မှုပြန်လာနေသလို ခံစားရပါတယ်။ကိုယ်ထည်ကို (Texture)ထဲမှာ ခပ်ဖျော့ဖျော့လေးမြုပ်နေစေပြီး သပိတ်တွေကိုပဲလင်းပေးထားတာက ပြဆိုချက်ကို ပေါ်လွှင် ထင်ရှားစေပါတယ်။ ပန်းချီကားရဲ့ အနီရောင်ဟာလည်း သက်န်းအရောင်ကို ထင်ဟပ်ထားသလို ဖြစ်နေလို့ ပိုပြီးပြည့်စုံစေပါတယ်။ ခေတ်ပြိုင် ပန်းချီစိတ်ကူးများစွာရှိတဲ့ ကိုတူးတူးရဲ့လက်ရာဟာ ကြည့်လို့မကုန်နိုင်လောက်အောင်အကြိမ်ကြိမ်ပြန်ကြည့်မိစေပါတယ်။